എഴുമറ്റൂർ
ഗ്രാമ പഞ്ചായത്ത്

പത്തനംതിട്ട ജില്ലയിലെ മല്ലപ്പള്ളി താലൂക്കിൽ കോയിപ്രം ബ്ലോക്ക് പഞ്ചായത്തിൽ എഴുമറ്റൂർ തെള്ളിയൂർ എന്നീ 2 വില്ലേജുകൾ ഉൾപ്പെട്ട ഒരു തദ്ദേശസ്വയംഭരണ സ്ഥാപനമാണ് എഴുമറ്റൂർ ഗ്രാമപഞ്ചായത്ത്. 2025-ലെ തദ്ദേശസ്ഥാപനങ്ങളുടെ വാർഡ് പുനർനിർണയം പ്രകാരം 15 വാർഡുകളാണ് ഗ്രാമപഞ്ചായത്തിലുള്ളത്. ഈ ഗ്രാമപഞ്ചായത്ത് റാന്നി നിയമസഭ മണ്ഡലത്തിലും പത്തനംതിട്ട പാർലമെന്റ് മണ്ഡലത്തിലും ഉൾപ്പെടുന്നു. പഞ്ചായത്തിന്റെ കിഴക്കുഭാഗത്ത് കൊറ്റനാട്, അയിരൂർ ഗ്രാമപഞ്ചായത്തുകളും, പടിഞ്ഞാറ് മല്ലപ്പള്ളി, പുറമറ്റം ഗ്രാമപഞ്ചായത്തുകളും, വടക്ക് കോട്ടാങ്ങൽ ഗ്രാമപഞ്ചായത്തും, തെക്ക് തോട്ടപ്പുഴശ്ശേരി, കോയിപ്രം ഗ്രാമപഞ്ചായത്തുകളും സ്ഥിതി ചെയ്യുന്നു. 23.27 ചതുരശ്ര കിലോമീറ്റർ വിസ്തൃതിയുള്ള ഈ ഗ്രാമപഞ്ചായത്തിൽ 2011 ലെ സെൻസസ് പ്രകാരം 18,799 പേരാണ് താമസിക്കുന്നത്. ഇതിൽ 8,945 പുരുഷന്മാരും 9,854 സ്ത്രീകളുമാണ്. പട്ടികജാതി വിഭാഗത്തിൽപ്പെട്ടവരുടെ എണ്ണം 1,777 പട്ടികവർഗ്ഗ വിഭാഗത്തിൽപ്പെട്ടവരുടെ എണ്ണം 88. പഞ്ചായത്തിന്റെ സാക്ഷരതാ നിരക്ക് 100 ശതമാനമാണ്.